食得又用得的美肌果實

食得又用得的美肌果實
尋日同大家分享過Homemade平價護膚品之後，今日繼續同大家分享多少少呢個Topic。今日講既生果又可以食又可以美肌，一物兩用！

女性恩物【牛油果】
1. 曾有研究指出，女性每星期食一個牛油果，可以平衡雌激素，防止子宮頸癌。
2. 含有豐富營養，包括維他命C、D、E，Omega-3脂肪酸，有效防治色斑、增加皮膚彈性，更有保護指甲、心臟和修護受損頭髮的作用。

點食：
攪碎後加少許檸檬汁、鹽及胡椒粉調味，用來搽麵包。注意切開後的牛油果容易氧化，記得即開即食！

點美肌：
1. 攪碎後敷面10-15分鐘後洗淨，會發現牛油果的天然油脂可令皮膚變得有光澤。
2. 在眼部周圍可搽牛油果油以減少皺紋。
3. 搽在指甲上可護甲。

保濕之后【石榴】
1. 紅石榴多酚能抗衰老，石榴含的多酚比綠茶還要多。
2. 花青素及鞣花酸等天然多酚，幫助皮膚對抗自由基氧化引起的失去彈性、粗糙和老化等問題。
3.再加上保濕的亞麻油酸、葉酸和維他命等，更有美白保濕的作用。

點食：
1. 持續兩星期每天飲100ml石榴汁，可增強抵抗力並抗衰老，將皮膚氧化過程減慢40%！
2. 用石榴汁漱口仲可以改善口腔潰瘍、咽喉痛及口臭等問題。

點美肌：
用石榴汁敷面，有美白緊膚的作用啊！

補血首選【車厘子】
1. 車厘子 之所以能補血，係因為佢嘅含鐵量係眾水果之首，能防治缺鐵性貧血，
一杯鮮榨櫻桃所含的營養，相等於23份蔬果之多！
2. 車厘子 內的蛋白質、胡蘿蔔素和維他命C、E等也非常高，因此亦能抗氧化！
3. 以其顏色來分，越深色就含有越多花青素，亦擁有越高的抗氧化能力！
不過車厘子 性溫，一日最多只能食12粒，食得多會熱氣，過量還會胃痛、胃酸過多、肚痛甚至腹瀉。

點食：
可以自釀 車厘子 酒，將車厘子洗淨去核後，連冰糖米酒放入密封容器內，浸一星期就可以飲用。

點美肌：
用 車厘子汁敷面，有保濕及美白去斑的作用。

去斑專家【檸檬】
1. 檸檬有好強嘅抗氧化功效，含有豐富的維他命B1、B2及C，而其中的維他命C更是蘋果的5倍！
2. 有機酸如檸檬酸及蘋果酸等，能中和及軟化皮膚表面的鹼性物質，
更可防止和清除皮膚內的色素沉澱，以及增加皮膚的彈性。

點食：
檸檬蜜糖水。記得唔好用太熱的水，以免破壞檸檬的營養！不過胃潰瘍及胃酸過多的人都不宜飲用啊！

點美肌：
1. 加幾滴檸檬汁於蛋白中，來個DIY全天然美白面膜。
2. 或者你可將檸檬汁直接搽喺色素沉澱嘅地方，不過，檸檬有吸光作用，敷完面膜後，記住要做足防曬呀！不過敏感性及乾性皮膚者就唔啱用喇！

#superfruits #avocado #pomegranate #lemon #cherry #skincare #beauty #natural #aroma #diy #aromatherapy #alisaromatherapy