平價護膚方法大檢閱！

平價護膚方法大檢閱！

想靚，當然要落足心機護膚。不過，都唔一定要用晒最貴嘅產品先係好嘅。我哋身邊有唔少又平又易搵到嘅材料，都可以用嚟護膚，而且效果仲一啲都唔差！

洗米水
洗米過程中，白米含有嘅水溶性維他命同礦物質會溶喺洗米水中，例如維他命B就有抗敏、美白等功效，令肌膚變得光滑、有彈性。而且洗米水來自天然，性質非常溫和，敏感肌都用得。

用法1：

想護膚成分更濃縮，可以將洗米水浸一晚，倒走面層嘅水分，取最底層的乳白色米水使用，用作日常洗面/洗手之用。
用法2：

將面膜紙放入洗米水中浸透，再用來敷面10-15分鐘。
小貼士：

第1次嘅洗米水雖然營養最豐富但雜質較多，建議用第2轉既洗米水，會乾淨D。

蛋白
蛋白含有豐富蛋白質和水分，有緊緻肌膚、收細毛孔之效。
用法1（緊緻面膜）:

 將蛋白敷在面上10分鐘，然後洗走。
用法2（去黑頭鼻貼）：

將蛋白敷在鼻上，再蓋上一層化妝棉，待乾透後撕走。
小貼士：

部分人肌膚會對雞蛋敏感，有機會引致肌膚紅腫，所以未必人人適合使用，要視乎每個人既膚質而定。

蜜糖
蜂蜜含有葡萄糖、果糖、蛋白質等成分，可滋潤肌膚，亦有抗炎和修護肌膚的功效。內服外敷同樣有美容效果！
用法：可單用蜂蜜或混合蛋白敷面，10-15分鐘後洗走。
小貼士：
市面有部分蜜糖加入糖漿製成，並非純正蜂蜜，最好選用有機全天然的蜂蜜先有效。

橄欖油
幾千年前地中海一帶已用橄欖油作護膚用途，它含有豐富不飽和脂肪酸和維他命E，除了可滋潤肌膚，也有抗氧化的功效。

用法1(手部磨砂)：

以橄欖油混合粗鹽或砂糖按摩雙手，可以去角質兼滋潤手部肌膚。
用法2(護髮膜)：

洗髮後將橄欖油均勻的抹在髮絲上（避開髮根位置），再用熱毛巾包裹頭髮15分鐘。
小貼士：
橄欖油有級別之分，不是全部都可用作護理，建議選用純度較高的初榨橄欖油。

麥片
燕麥除咗可以吸走體內嘅膽固醇，原來都可以吸走面上嘅油脂！麥片性質溫和，用來做面膜，是非常適合混合性和油性皮膚的平價護膚之選。
用法(控油面膜)：

3湯匙麥片加入適量牛奶（也可按喜好加入蜂蜜或蛋白）混合，敷在面上10分鐘後洗去。

#homeremedy #skincare #beauty #natural #diy #aromatherapy#alisaromaterapy