香薰精油致敏成份

最近我地收到好多關於香薰精油致敏成份既查詢及疑問，而家喺度同大家講解一下：

【存在於天然植物中】
其實香薰精油當中的致敏成份，存在於大部分植物，而且呢D成份係天然、自然，並唔係外來既添加物，喺大自然環境存在已久。

【精油不是護膚品】
至於測試報告既設定一開始就以護膚品測試既為標準，設定係有問題，因為香薰精油一向以黎都唔係直接用喺皮膚上，而係需要大量稀釋去使用於皮膚上，或者加入香薰機作吸聞之用。加上測試係以1公升用量計算，一般正常人係唔會可以一日使用上1公升既香薰精油。

【致敏VS療效】
常見既致敏成份同時亦係香薰精油的療效成份，如果無左呢D成份，就發揮唔到香薰精油本身既功效。
呢D成份基本上全部都可以發揮殺菌、抗感染及防腐功效。因此成份同時有好處及不足之處，大家可以衡量清楚。

一句講晒，如果精油無左下面既成份，仲算係精油?

1.【檸檬烯limonene】
存在於天然植物中，如花類、生果類既精油
功效：抗菌、殺菌、抗炎

2.【芳樟醇linalool】
存在於天然植物中。
功效：抗病毒、抗感染、抗炎，強效殺菌劑

3.【香葉醇geraniol】
存在於天然植物中，如玫瑰、薰衣草、天竺葵精油
功效：抗菌、抗炎、抗病毒

4.【香豆素coumarin】
存在於天然植物中，如薰衣草、薄荷、羅馬洋甘菊精油
功效：鎮靜、抗炎

5.【丁香酚eugenol】
存在於天然植物中，如玉桂、羅勒、丁香精油
功效：防腐、殺菌
呢類既香薰油屬刺激性，所以一般建議用量都係偏低

6.【苯甲酸芐酯benzyl benzoate】
存在於天然植物中，如薰衣草、快樂鼠尾草、佛手柑精油
功效：抗炎、抗真菌、舒緩神經系統

7.【檸檬醛citral】
存在於天然植物中，如香茅、蜜蜂草精油
功效：抗炎、抗病毒，降血壓

8.【金合歡醇farnesol】
存在於天然植物中，如玫瑰、檸檬草、橙花精油
功效：抗菌、抗感染、抗病毒，強效殺菌劑

9.【苯甲醇benzyl alcohol】
存在於天然植物中，如伊蘭、茉莉精油
功效：抗炎、皮膚感染、抗病毒

10.【香茅醇citronellol】
存在於天然植物中，如天竺葵、香茅精油
功效：抗感染、抗病毒

按IFA指引，香薰精油屬於高濃度，必須先稀釋才使用於皮膚上，不宜直接塗上皮膚。身體建議用量為0.5%-3%，面部為0.1%-1%。