【春季護膚品DIY工作坊】完滿結束 多謝大家勇躍支持

【春季護膚品DIY工作坊】完滿結束  多謝大家勇躍支持

上星期一連兩日既【春季護膚品DIY工作坊】完滿結束，多謝咁多位參加既朋友！

原本開3月18日一班，不過報名人數太多，就加開左19日多一班，全部滿額！

當日有好多未玩過DIY既朋友仔參加，大家都覺得自己親手DIY好得意、好有滿足感！特別係整面霜同面膜時，睇住由液體、加D材料、搞兩搞慢慢變成奶白色既CREAM狀，好多同學都覺得好得意，估唔到平時自己日用夜用既CREAM原來係咁樣整，而且仲好簡單！其實同學仔返屋企後，可以跟MISS ALICE既配方，再加自己鐘意既成份，DIY一個最合適自己既護膚品。

希望大家喺呢個WORKSHOP學到點樣DIY之外，同體驗當中DIY護膚品既樂趣，與其喺坊間購買由咁多化學成份組成既護膚品，自己親手DIY就用得放心、安心！